(NI LOURDES C. FABIAN)
NAKATUTOK at nag-aabang ang lahat sa saloobin ni Joshua Garcia tungkol sa kontrobersyang kinasasangkutan ng ex-girlfriend niyang si Julia Barretto.
“Nasasaktan ako for her and sa nangyayari dahil nakarelasyon ko siya. Pero, I think makakabangon naman siya,” halatang umiiwas na tugon ni Joshua sa panayam sa kanya ni MJ Felipe sa Ninoy Aquino International Airport, Huwebes ng gabi, August 1.
Hindi naiwasang magkita nina Joshua at Julia na nakunan pa ng litrato bago sila lumipad patungong San Francisco, California, kung saan gaganapin ang Kapamilya Sunday musical-variety show na ASAP in Bay Area.
Expected na naman ng marami na talagang magkukrus ang landas ng dalawa lalo pa nga’t may upcoming horror film silang Block Z na pinagbibidahan nila at maliit lang ang mundong ginagalawan nila.
Walang nakaaalam kung ano ang magiging ending ng kontrobersyang ito. But one thing is sure: Ang lahat ng ito ay matatapos din.
175
